Urinary Tract Infection (UTI)

Tanong (T): Kakatapos ko lng po ng meanstruation ko ngsex po kme after 5 days. Maskit po ang puson ko at balakang. Possible po kya un sa pagbubuntis? Ano po pede inumin para mgkaregla? Tnx po.

Doc Gino: Mas makabubuti kung bigyan mo ako ng kaunting detalye. Maaari mo bang ibigay ang mga sumusunod para masabi ko ng mabuti ang sagot sa iyong tanong?

Petsa ng huling regla: mula anong petsa hanggang kailan? Petsa ng sinundang regla? Sa tuwing magkakaregla ka ba ay may nararamdaman kang pagsakit ng puson at balakang tulad ng nararamdaman mo ngayon? Binabalisawsaw ka ba ngayon? May sakit ka bang nararamdaman sa tuwing naihi?

Mas mainam kung hindi ka iinom ng kahit anong gamot hangga't hindi ka nakasisiguro kung ikaw ay buntis o hindi sapagka't kung sakaling uminom ka at ikaw pala ay buntis, maaaring makaapekto ang gamot sa iyong pagbubuntis. At kung sakaling may ininom ka nang gamot na pamparegla, lalong kakapit ang sanggol kung sakaling nagbuntis ka nga. Mas mabuting hintayin mo na lang ang susunod na regla.

T: Ang huling regla ko po ay nung April 1-4 tos my ngyare po sa amin nung 5. Tuwing magkakaron po aq ay sumasakit po ang puson ko, Tos now lng po aq nakakarmdam ng pagsakit ng balakang, Pag umiihi po aq ay minsan masakit.. Pero ang iniinom ko po n gamot ay herbal naman. May posibilidad pa din po ba na kumapit ang bata? Dapat po ay sa May 5 pa ulit ang dating ng regla ko. Natatakot lng po aq dahil medyo lumaki ang puson at tyan ko...Panu po kaya un?

DG: Kung katatapos lang ng iyong regla noong kayo ay magtalik, malamang ay hindi ka buntis. Makabubuting ipasuri mo ang iyong ihi upang malaman kung mayroon impkesiyon dito. Baka iyan ang dahilan ng pagsakit ng balakang at pag-ihi. Bukod dito, maaring magpa-‘pregnancy test’ kung sakaling hindi ka pa rin dinadatnan makalipas ang 5-8 linggo mula sa huling petsa ng regla. Walang kinalaman ang mga herbal na gamot sa pagbubuntis.


Reposted from here